تصرفت صديق زوجي الغير محترم
انت في الصفحة 1 من 5 صفحات
امبارح لقيت جوزي راجع من الشغل ومعاه ألبوم الصور بتاع الفرح بتاعنا فسألته انت كنت اخدت الألبوم ليه
قال لي كنت بفرجه لواحد صحبي
رديت وانا زعلانة وقولت له ان صورنا دي بتبقى خاصة بينا وبالمقربين من العيلة فقط مش لأي حد يشوفها وانت عارف إني لابحط صورتي على فيس ولا واتس ولا بفرج صوري لحد
رد وقال لى وده مش حد غريب دا صديق عمري ومتربي معايا وعشرة عمر وبعدين فيها إيه ما كل الناس بتفرج بعضيها على صور أفرحهم يابنتي دي نصف البنات سايبين صورهم عرض في الكوفيرات والأستديوهات واللي رايح واللي بيتفرج عليهم في الشوارع وانا معملتش كدا فامتكبريش الموضوع وأهدي
وفي نفس اليوم بالليل تليفون جوزي رن كتير وهو في الحمام قومت وروحت ناديت عليه وقولت له فيه رقم بيتصل بيك كتير
قال لى مين
قولت له واحد اسمه أحمد رن عليك حوالي ٦مرات لو حابب اجيبلك الفوطة تنشف إيدك وتكلمه
وبالفعل رديت على صديقه وقولت له هاني هيخلص الشاور بتاعه وهيكلمك
قال لي خلاص على مهله بس اول ما يخلص خليه يكلمني ضروري قولت له حاضر ولسه هقفل السماعة لاقيته بيقول لي هو انتي العروسة الجديدة
قولت له أيوه رد وقال لى خلى بالك منه أصل دا صديق عمري قولت له حاضر عينيا وانتهت المكالمة على كدا
قال أنا أحمد زميل هاني إيه انتي لحقتي تنسي صوتي عملت نفسي ماسمعتش الكلمة وقولت له هاني طلع من الشغل على ولدته يسلم عليها ممكن تكلمه على الموبايل
رد وقال لي ما انا كلمته بس تليفونه كان غير متاحقولت في سري غريبة مع إني لسه مكلماه عادي وتليفونه متاح قولتله معلش حاول تاني يمكن مشكلة الشبكة بس
قال لى برضه مش هوصيكي على هاني
وياريت بالراحة عليه شوية علشان هو مش قدك الكلام دخل في ودني زي الړصاص وحاسيت إن لهجته لهجة مش عجباني وإنه يقصد حاجة معينة بالكلام دا
ماعرفش ارد عليه وقولت له طيب السلام عليكم بعد اذنك
جوزي رجع من بره قولت له ان صاحبه اتصل بيه قال لي عارف مهو كلمني وقال لي انه اتصل على رقم البيت عامة اعملى حسابك علشان بكرة معزومين عند مامته في البيت
قولت له المرة اللي فاتت خرجتنا مع أدهم صاحبك ومراته والمرة دي بتقول لى معزومين عند أحمد في البيت وأنا مابحبش الجو دا أصلا من الخروجات
