انا وسلفتي
و مش بتأكلنا و لا بترضي تدينا فلوس واجي اتكلم واقوله امك مش راضية تديني فلوس يقولي انتي واحدة مبذرة وعايزة تصرفي الفلوس يا امال ده كلام
سماح بعصبية
احنا لازم يبقي لينا واقفة و نتكلم معاهم في الموضوع ده مينفعش نسكت اكتر من كدة
امال بهدوء
هنعمل اية يعني يا سماح اكتر من كدة كلام معهم و معاها و غلبنا انتي شايفة ان في اي حاجة تانية نعملها
احنا نجمع اهلينا و اعمامهم و نتكلم معاهم في الموضوع ده لاننا مش هنقدر نستحمل اكتر من كدة انا هكلم امي و ابويا انهارده و هما يتصرفوا و انتي كمان و هما يكلموا اعمامهم ويخلصونا من الوكسة دي
امال
خلاص وانا معاكي يا سماح
سعاد بحدة
معاها في اية يا بت انتي وهي بتخططوا لايه سوا
امال بتوتر
سماح بهدوء
ايوة يا حماتي احنا محتاجين فلوس مش عارفين نعيش و انتي عارفة ان الدنيا غالية علينا و جوزي و جوزها شغلين بره علشان خاطر يعيشونا في مستوي كويس و نبقي مستورين بقالنا يومين بناكل البسلة و الرز و الفطار شوية الطعمية بتوع كل يوم و مش بيكفوا حد و يدوب انتي بس اللي بتفطري بيهم يا حماتي
بتنقي عليا يا سماح ولله عال يا مرات ابني بتعدي عليا اللقمة ما انتم بتاكلوا ولا حد بيمنعكم ولا حاجة اما حكاية الفلوس ولادي بالعربي مش واثقين فيكم علشان كدة بيبعتوا الفلوس عليا و اللي مش عجبها الباب يفوت جمل ييا اختي انتي وهي
امال پصدمة
بقي كدة يا حماتي البشوات مش واثقين فينا ليه ان شاء الله ما احنا شغالين ليل مع نهار مرمطون تحت امرك انتي و العيال نعمل اية اكتر من كدة
ابقوا اسألهم يا حلوة منك ليها
وبعدين بصت بعصبية وقالت
و اقفلوا المياة اللي شغالة علي الفاضي دي هي سايبة ولا فلوسنا كتير علشان تسيبوا المياة كدة من غير لازمة مبذرين جاتكم القرف علي اليوم اللي اتجوزكم فيه
خرجت سعاد بعصبية
اما سماح بصت ليها بعصبية وقالت
ماشي يا سعاد ان ما وريتك و طلعته علي جتتك يا بعيدة ما بقاش انا سماح تعالي يا امال نكلم اهلنا و نشتكي منها الوليية الحيزبونة دي
الو يا بابا
الاب
في اية يا سماح مالك يا بنتي
سماح بدموع
انا مبقتش قادرة استحمل العيشة دي يا بابا انا تعبت اقسم بالله
الاب
قوليلي بس حصل اية
سماح بدموع
يا بابا جوزي بيبعت الفلوس لامه وهي مجوعنا ده لو طلعنا عملنا كوباية شاي تعمل ڤضيحة وانتي مش عارفة الشاي بكام و السكر بكام و تقلبها عليا و تقفل الضرف بتاعة المطبخ يا بابا بالقفل انا خلاص تعبت اقسم بالله مبقتش قادرة استحمل لا و كمان بتقولنا لو مش عجبكم الباب يفوت جمل
هتعملي اية بس يا بنتي حماتك و ست بخيلة هتخربي بيتك و تبعدي عن جوزك علشان خاطر حماتك
سماح بعياط
ما جوزي هو السبب في اللي بيحصل ده يا بابا وهو كدة كدة بعيد عني و مش واثق فيا علشان يبعت ليا الفلوس بيبعتها لامه مجوعنا بقالنا يومين بناكل نفس الاكله البايته اللي خلاص طعمها غير يا بابا
الاب
انتي عايزة تتطلقي يا سماح
سماح بدموع
لا يابابا انت تكلم اعمامهم و كمان ابو امال هيعمل
