فيروز ايوب لايمان الرشيدي

بحزن_.. انت بتحبيه يا فيروز اصلا ولا لا. 
اتنهدت وحاوطت وشي بكفوف ايدي_.. انا عديت مرحله الحب من زمان يا ندي انا بحبه وعمري ما كرهته. 
بصتلي باستغراب_.. طب لي بتعملي في نفسك وفيه كده. 
_.. بردله اللي عمله فيا ايوب الوحيد اللي قدر يخطف قلبي لينا ذكريات كتير سوا عمري ما قدرت انساها لكن البعد خلي قلبي يبقي قاسې مش عارفه شعور جوايا ان كل حد فينا بقي غريب عن التاني وكأنه ميعرفوش. 
_.. بس برضوا كنت تسمعي اسبابه وبعدين برضوا ملوش ذنب ان انت دخلوكي كليه طب بالڠصب. 
اتنهدت بارهاق_.. مسمعتش وقومت لو كان موجود كان يقدر يمنعهم. 
طبطبت عليا وحاولت تلطف الجو تابعت بضحك_.. لا بس تمثيلك جامد انا لو مكنتش عارفه الخطه كنت صدقت ان اغمي عليكي بجد. 
ضحكت بيأس_.. انا مش اي حد برضوا ولا اي. 
اتكلمت بابتسامه_.. مشوفتيش شكله وهو بيجري عليكي وبيسيب الحربو_قه شكله
كان مړعوپ عليكي مش قولتلك واقع من الدور العاشر يارب ارزقني بحد شبهه. 
اتنهدت بابتسامه_.. انا خۏفت اعترفله كان هيقت_لني فيها. 
_.. لا اوعي هنروح فيها وانا لسه صغيره عاوزه اتجوز. 
_.. ده كل همك. 
قاطع كلامنا ايوب وهو بيقرب مننا ودعت ندي ومشيت معاه روحنا البيت دخلت بتعب واترميت علي الكنبه _.. ايوب.
_.. عيونه. 
_.. هو انا المفروض اطبخ !. 
_.. المفروض.
_.. بس انت هتطلع اصيل وجدع وهتطلب دليفري. 
_.. تحبي تاكلي ايه!. 
_.. اي ده ببساطه كده. 
اتنهد بابتسامه_.. مش قادر للجدال بصراحه وانا عارف انك في الطبخ مش قد كده. 
بصتله بعصبيه حاولت اداريها وربعت ايدي وقولتله_.. علي فكره انا طبخي اتحسن عن الاول بكتير وهتاكل النهارده من ايدي مفيش دليفري. 
حاول يداري ضحكته_.. لما نشوف. 
وبالفعل دخلت خدت شاور علي السريع ولبست بيجامه بيت مريحه ولمېت شعري ودخلت المطبخ عشان ابدع _.. مين الغبي اللي حط الدقيق في الرف اللي فوق. 
_.. بتكلمي نفسك !. 
زفرت بضيق وقولتله_.. ايوه عندك مانع. 
اتكلم باستفزاز_.. اجيبهولك الحمدلله علي نعمه الطول. 
_.. هجيبه لنفسي مش عاوزه منك حاجه. 
_.. خلاص اشيلك وانت تجيبيه. 
_.. قولتلك هجيبه لنفسي. 
حركت الكرسي وبدأت اطلع عليه لكن رجلي فلتت والكرسي اهتز حاولت اثبت لكن فشلت صړخت پخوف لكن ايد ايوب لحقتني تلقائيا اتكلم بتوتر _.. انت كويسه. 
_.. انا اتحسدت مش عارفه في اي النهارده. 
ضحك بيأس_.. ما قولتلك اجيبهالك لازم تعملي دور القويه. 
بصتله بحنق_.. طب نزلني ايه عجبك الوضع. 
اتكلم بغمزه_.. عيوني انت تؤمر. 
وفعلا سابني لكن رماني وسابني اقع علي الارض قومت واتكلمت بعصبيه_.. قولتلك نزلني. 
_.. ما انا نزلتك. 
_.. انت سبتني اقع. 
_.. ما انت اللي قولت سيبني. 
_.. وبعدين ايه جو الافلام الهنديه دي. 
اتكلم بابتسامه مستفزه_.. والله انا كان المفروض اسيبك تقعي تنكسري. 
بلعت ريقي بتوتر_.. ايوب لو سمحت ابعد ومتتخطيش حدودك. 
اتكلم بعصبيه وصوت عالي نسبيا_.. انا جوزك يا فيروز مش واحد من الشارع !. 
بصتله بقله حيله_.. طب اخرج خليني اطبخ !. 
حاول يتحكم في عصبيته وقرب مني علي غفله ضړبته علي صدره بخجل وبدأت اطبخ. 
جهزت الاكل وخرجت عشان احضر السفره قرب مني وساعدني بترتيب الاطباق من غير ما اطلب ابتسمت علي حنيته ومساعدته ليا اتكلم _.. لا جميل مفيش كلام تسلم ايدك. 
ابتسمت واتكلمت بثقه _.. عشان تعرف قيمتي بس وتعرف ان فكرتك عني غلط. 
اتنهد بابتسامه 
_.. قولتلك انك بقيتي كبيره وواعيه اكتر. 
اتنهدت واتكلمت بهدوء_.. كل ما الانسان بيكبر كل ما بتكبر مسؤولياته وبيتعلم. 
_.. طب ما تجيبي ...وده من مسؤولياتك برضوا. 
اتكلمت بخجل_.. احترم نفسك وكل وانت ساكت لان ده مستحيل يحصل. 
اتنهد بضيق وسكت.